ភ្នំពេញ៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន ថាសម្ដេចនឹងនៅចាំមើលពលរដ្ឋយ៉ាងហោចណាស់ ២០ឆ្នាំទៀត ពេលដែលពលរដ្ឋកម្ពុជាអាចឈានដល់ ២០លាននាក់។
ថ្លែងក្នុងពេលដែលសម្ដេចអញ្ជើញជាអធិបតីក្នុងពិធីប្រគល់សញ្ញាបត្រជូនដល់និស្សិតសាកលវិទ្យាល័យវេស្ទើន ព្រឹកថ្ងៃទី២៦ ខែមករា ឆ្នាំ២០២៣ សម្ដេចតេជោ ហ៊ុន សែន បានថ្លែងថាសម្ដេចនឹងរួមរស់នៅជាមួយពលរដ្ឋយ៉ាងហោចណាស់ ២០ឆ្នាំទៀត។
សម្ដេចបានបញ្ជាក់ថា សម្ដេចបានរួមរស់នៅមើលថែពលរដ្ឋខ្មែរតាំងពីមានតែជាង ៥លាននាក់ រហូតដល់ ១៧លាននាក់ពេលបច្ចុប្បន្ម និងនៅតែចង់បន្តមើលពលរដ្ឋដល់ ២០លាននាក់៕
